ԳլխավորՊոեզիաՄանկականԱրձակԻմ մասինԿապ


Главная » Статьи » Պոեզիա


В категории материалов: 23
Показано материалов: 21-23
Страницы: « 1 2 3

Сортировать по: Дате · Названию · Рейтингу · Комментариям · Просмотрам
Ինձնից առաջ ճամփով քանի մարդ է անցել,
Ինքը անմահ`օտար մահերը սգացել,
Հոգու խորքում անհաշտ մեռնելու մտքի հետ,
Ինքն իր մահից մի քայլ անգամ չի հեռացել:
Քանիսն են սպասել աստեղային պահի,
Թե կարող են կյանքը առանց մահի ապրել,
Երբ լիքն է բաժակը, զուր է խռովքն համի,
Քանիսն են բաժակով լցվել ու դատարկվել:
Քանիսն են անց կացել ճամփով ինձնից առաջ,
Մանուկ Հիսուսների բարուրներ կան դատարկ,
Աշխարհը ծոցը լի ծաղիկ ունի ու խաչ,
Ապրելու համար դեռ կունենամ ժամանակ:
Պոեզիա | Просмотров: 234 | Добавил: Hasmik | Дата: 2011-05-18 | Комментарии (0)

Հարության տոնին քիչ է մնացել,
Շուտով մատնության գիշերը կգա,
Հուդան մահացու քնով է անցել,
Իրար են անցել մատնիչներն հիմա:
Պնակը մեկն է, ձեռքերը` բազում,
Որ մեկի ձեռին ես խոնարհ նայեմ,
Հիմա արծաթ չէ` ոսկի են ուզում
Մատնության համար, ես խաչս պահեմ:
Կերուխում է հանց ամեն հոգեհաց,
Հիշելու համար, դե, չեն կշտանում,
Տեսնես կա մեկը, որ մնաց սոված,
Նրա համար իմ բաժինն եմ պահում:
Հարության տոնին քիչ է մնացել,
Վիճակ են գցում հուդաներն  հիմա,
Այնպես են ոսկու փայլից շլացել,
Որ սակարկում են իմ խաչի վրա...

Պոեզիա | Просмотров: 215 | Добавил: Hasmik | Дата: 2011-05-18 | Комментарии (0)

Տեր,արա այնպես, որ աղաչանքն իմ բարին լինի,
Եվ որ իմ սիրտը խռովքի պահին ինձ չմոռանա,
Աշխարհը գտնի անդրադարձը քո սիրո ակամա.
Տեր, արա այնպես, որ աղաչանքն  իմ  բարին լինի:
Իմ արյան հոսքը օրհնանքի հետ քո թող հարատևի,
Եվ թող բարձրյալդ անեծքիս լեզուն  էլ  չհասկանա,
Տեր, արա այնպես,որ աղաչանքն  իմ  բարին լինի,
Եվ որ իմ սիրտը խռովքի պահին ինձ չմոռանա:

Պոեզիա | Просмотров: 365 | Добавил: Hasmik | Дата: 2011-05-18 | Комментарии (0)

1-10 11-20 21-23